Қарақалпақ мәмлекетлик университети базасында «Мениң Президентим» дөретиўшилик жумыслары көрик-таңлаўының III Қарақалпақстан Республикасы басқышы болып өтти. Таңлаўға қала ҳәм район басқышы жеңимпазларынан жәми 17 оқыўшылар қатнасты. Дәслеп оқыўшылар 1 саат даўамында «Мениң Президентим» атамасында «Power point» дәстүринде презентация таярлады ҳәм соңында таярлаған презентацияларын жақлады. Төреши ағзалары тәрепинен оқыўшылардың шығыўларын таңлаў нызамының баҳалаў шәртлери бойынша баҳалап барды.

Таңлаў нәтийжесинде Бозатаў районы 13-улыўма билим бериў мектебиниң 11-класс оқыўшысы Сарыбаева Гулферуз Боранбаевна 1-орын, Беруний районы 30-санлы улыўма билим бериў мектебиниң 11-класс оқыўшысы Рахманов Севинч Шухрат қызы 2-орын, Нөкис районы 1-санлы улыўма билим бериў мектебиниң 10-класс оқыўшысы Узақбергенова Ажим Таўласбаевна 3-орын жеңимпазлары деп табылды ҳәм таңлаўдың төртинши басқышына жоллама алды. Жеңимпаз оқыўшылар ҳәм олардың муғәллимлери Өзбекстан кәсиплик аўқамлары Федерациясының Қарақалпақстан Кеңеси ҳәмде Қарақалпақстан Республикасы Халық билимлердириў минитрлиги тәрепинен диплом ҳәм естелик саўғалары менен сыйлықланды.