Усы жылдың 24-декабрь күни Өзбекстан кәсиплик аўқамлары Федерациясының Қарақалпақстан Кеңесиниң Кеңес ҳәм Атқарыў комитети мәжлислери болып өтти.

Жыйналысты Өзбекстан кәсиплик аўқамлары Федерациясының Қарақалпақстан Кеңеси баслығы У.Жалменов алып барды. Онда Қарақалпақстан Кеңеси аппарат хызметкерлери, Кеңес ҳәм Атқарыў комитети ағзалары ҳәмде тараў жуўаплы шөлкемлестириўшилер, Республика Кеңеслери, бирлескен комитет, тараў қала (район) кеңеслери, тийкарғы жумысынан азат етилген кәсиплик аўқам комитети баслықлары қатнасты.

Мәжлис даўамында күн тәртибине киритилген бир қанша әҳмийетли мәселелер, сондай-ақ дизим искерлигин жетилистириў, хызметкерлердиң социаллық‑экономикалық мәплериин күшейтириў ҳәм алдағы ўазыйпалар додаланып, тийисли қарарлар қабыл етилди.