Усы жылдың 2-июль сәнесинде Өзбекстан кәсиплик аўқамлары Федерациясы Қарақалпақстан Кеңеси, Қарақалпақстан Республикасы жаслар ислери басқармасы ҳәм «Жаслар-келешегимиз» қоры Қарақалпақстан Республикасы филиалы менен биргеликте, «Бизнес клуб» ағзалары ушын Қоңырат районында жайласқан «UZ-KOR GAS CHEMICAL» қоспа кәрханасына саяхат шөлкемлестирилди.

Бул кәрҳәна Орта Азиядағы ең ири хәм жетекши полимер өнимлерин ислеп шығырыўшылардан болып, онда 1500 қанигелер жумыс алып бармақта. Олардың 70 пайызы жаслардан ибарат.

Саяҳат барысында жаслар кәрҳәна искерлиги, онда мийнеткешлер ушын жаратылган шәраятлар менен танысты.

Сондай-ақ жаслар кәрҳәна басшылары ҳәмде усы кәрҳәнаның кәсиплик аўқамы баслығы менен ушырасып өз-ара пикир алмасты.