2023-жыл 5-апрель күни Нөкис қаласы 1-санлы спорт мектебинде “Бес баслама олимпиадасы” шеңберинде билим бериў мәкемелери оқытыўшылары арасында “Саламат денеде – сапалы билим” сүрени астында “Кәсиплик аўқамы кубоги” спорт жарысларының Қарақалпақстан Республикасы басқышы өткерилди.

Өзбекстан кәсиплик аўқамлары Федерациясының Қарақалпақстан Кеңеси, Қарақалпақстан Республикасы халық билимлендириў министрлиги, Қарақалпақстан Республикасы Жаслар сиясаты ҳәм спорт министрлиги ҳәмде Қарақалпақстан телерадиокомпаниясы тәрепинен тастыйықланған қоспа қарарға тийкар “Саламат денеде – сапалы билим” сүрени астында “Кәсиплик аўқамы кубоги” спорт жарысларының Қарақалпақстан Республикасы басқышы Нөкис қаласы 1-санлы спорт мектеби, Жеңил атлетика ҳәм ойын түрлери бойынша қәнигелестирилген спорт мектеби, Олимпия ҳәм паралимпия спорт түрлерине таярлаў орайы ҳәмде Нөкис қаласы 1-санлы спорт мектеплеринде болып өтти.

Илажда Өзбекстан кәсиплик аўқамлары Федерациясының Қарақалпақстан Кеңеси баслығы, Сенатор У.Жалменов, Қарақалпақстан Республикасы халық билимлендириў министри А.Нарымбетов, Қарақалпақстан Республикасы Жаслар сиясаты ҳәм спорт министри А.Алланазаров ҳәмде Өзбекстан кәсиплик аўқамлары Федерациясының Қарақалпақстан Кеңеси баслығының орынбасары М.Данияров, тараўлық кәсиплик аўқамлары Қарақалпақстан Республикасы Кеңеси баслықлары, жуўаплы шөлкемлестириўшилери ҳәмде тийисли министрликлер ўәкиллери қатнасты. Жарыста спорттың мини-футбол, шахмат, шашка, стол тенниси ҳәм волейбол түрлери бойынша оқытыўшы ҳәм устазлар өз ара күш сынасты. Бул жарыслардың өткен басқышларында 16 мың 559 дан артық билим бериў мәкемелериниң хызметкерлери қатнасты.

Күн даўамында спорт жарыслары қызғын өтип ҳәм тәжирийбели төрешилер тәрепинен жеңимпазлар ҳәм командалық есапта утып шыққан жеңимпазларды анықлады.

Бунда:

Спорттың СТОЛ ТЕННИСИ түри бойынша Ҳаяллар арасында 3-орынды Әмиўдәрья районы Бабажанова Эътибор Юнусовна, 2-орынды Шоманай районы Тилемисова Айзада Султамуратовна, 1-орынды Тақыятас районы Худайбергенова Юлдуз Гайпназар қизи ҳәмде Ерлер арасында болса 3-орынды Қоңырат районы Жумамуратов Рустем Джалгасбаевич, 2-орынды Шымбай районы Бектурганов Бердимурат Жумабекович, 1-орынды Елликқала районы Курбанов Ихтиёр Атахановичлер ийеледи.

Гезектеги ШАХМАТ түри бойынша Ҳаяллар арасында 3-орынды Қоңират районы Хожалиева Баян Жаксиликовна, 2-орынды Әмиўдәрья районы Уразметова Дилбар Юсуф қизи, 1-орынды Шымбай районы Бекмуратова Гулсауир Джалгасбаевна, Ерлер арасында болса 3-орынды Тақыятас районы Кайпанов Рустем Пердебай улы, 2-орынды Кегейли районы Айимбетов Илхам Жумамбетович, 1-орынды Нөкис қаласы Сейтназаров Полат Турсинбаевичлер ийеледи.

Спорттың ШАШКА түри бойынша Ҳаяллар арасында 3-орынды Нөкис қаласы Толепова Сапаргул Дарибаевна, 2-орынды Кегейли районы Кошпанова Илмира Якипбаевна, 1-орынды Хожели районы Сапарова Гулчехра Юлдашевна, Ерлер арасында болса 3-орынды Беруний районы Худанов Янгибай Каримович, 2-орынды Шымбай районы Реймов Ажинияз Кенесбаевич, 1-орынды Қараөзек районы Тажимуратов Даулетали Хамидуллаевичлер ийеледи.

ВОЛЕЙБОЛ түри бойынша 3-орынды Қараөзек районлық командасы, 2-орынды Беруний районлық командасы, 1-орынды Тахтакөпир районлық командалары, соның менен бирге, спорттың МИНИ-ФУТБОЛ түри бойынша 3-орынды Төрткүл районлық командасы, 2-орынды Нөкис қалалық командасы, 1-орынды Хожели районлық командалары жеңимпаз деп табылды.

“Саламат денеде – сапалы билим” сүрени астында “Кәсиплик аўқамы кубоги” спорт жарысларының Қарақалпақстан Республикасы басқышында командалық есапта 3-орынды Шымбай районы, 2-орынды Кегейли районы, 1-орынды Қоңырат районылары жеңимпаз деп табылды.

Улыўма командалық есапта жеңимпаз болған Қоңырат районылық командасына “Кәсиплик аўқамы кубоги” ҳәмде 30 миллион сум пул сыйлығы тапсырылды.

Сондай-ақ, Өзбекстан кәсиплик аўқамлары Федерациясы тәрепинен түрли номинациялар бойынша соның менен бирге, жеңимпаз командаларға диплом ҳәмде Қарақалпақстан Республикасы Жаслар сиясаты ҳәм спорт министрлигиниң саўғалары тапсырылды.