27-28 март кунлари Нукус шаҳридаги таълим ташкилотларида фаолият олиб бораётган ходимлар ўртасида спортнинг Бадминтон тури бўйича “Наврўз умумхалқ байрами куни” муносабати билан Ўзбекистон таълим ва фан ходимлари касаба уюшмаси Нукус шаҳар бўлинмаси томонидан Нукус шаҳар мактабгача ва мактаб таълим бўлими билан биргаликда спорт мусобақаси ўтказилди.

Ўтказилган спорт мусобақасига шаҳардаги барча таълим ташкилотларида ишловчи ходимлар иштирок этиб, ўзларининг жисмоний қобилияти ва чаққонлигини кўрсатиб, ўзаро ўзаро беллашдилар. Қизғин баҳс ва муросасиз курашлар остида ўтган мусобақа ходимларнинг спортга бўлган қизиқишини янада ошириб, уларнинг ғалабага бўлган иштиёқини мустаҳкамлади. Ҳамма иштирокчилар мусобақада ғолиб бўлиш учун астойдил харакат қилишди.

Мусобақа якунида барча спорт турлари бўйича ғолибликни қўлга киритган иштирокчиларга Ўзбекистон таълим ва фан ходимлари касаба уюшмаси Нукус шаҳар бўлинмаси кенгашининг эсдалик совғалари ва дипломлари топширилди.