Өзбекстан Республикасы Министрлер Кабинетиниң 2024-жыл 16-февральдағы 28-санлы баянламасында белгиленген ўазыйпаларды әмелге асырыў мақсетинде «Саламат денеде–сыпатлы билим» сүрени астында Кәсиплик аўқамлары кубогы ушын Нөкис қаласындағы улыўма орта билим бериў мәкеме(мектеп)лери ортасында спорттың киши футбол, волейбол, стол тенниси, шахмат, шашка түрлеринен жарыслары 1-сектор 27-мектеп, 2-сектор 12-мектеп, 3-сектор 32-мектеп, 4-сектор 31-мектеплерде өткизилиўи режелестирилген.

Усы жылдың 13-апрель күни шахмат, шашка ҳәм стол теннис түрлеринен спорт жарыслары өткерилди.

Қызғын тартыс ҳәм өз-ара келисимсиз гүреслер астында өткен жарыс хызметкерлердиң спортқа болған қызығыўшылығын жәнеде арттырып, олардың жеңиске болған тилегин беккемледи. Барлық қатнасыўшылар жарыста жеңимпаз болыў ушын жуўапкершилик пенен ҳәрекет етти.

Жарыс жуўмағында жеңимпазлықты қолға киргизген хызметкерлерге шөлкемлестириўшилер тәрепинен диплом ҳәм естелик саўғалары тапсырылды.