Xalqımızda «shembilik» dep atalǵan ájayıp dástúr bar. Bul ádet jıllar ótsede óz áhmietin joǵaltpaǵan. Shembilik – bul xalqımızdıń birligi, doslıq hám awızbirshiligin kórsetetuǵın jaqsı dástúr. Bul kúnlerde hár bir qol miynetke qosılsa, máhállemiz jáne de gózzal, elimiz jáne de abadan boladı. Elimizde hár qıylı bayramlar, muqaddes sáneler aldınan ulıwmaxalıqlıq qayırqomlıq shembiligin ótkeriw hám sol arqalı aymaqlardı abadanlastırıw jaqsı dástúrge aylanǵan.

Usı jıldıń 13-14-mart kúnleri ótkerilip atırǵan ulıwma xalıqlıq qayırqomlıq shembiligi de mine usınday iygilikli maqsetke xızmet etedi.

Ózbekstan kásiplik awqamları Federaciyasınıń Qaraqalpaqstan Keńesi, tarawlıq kásiplik awqamları xızmetkerleri, Sanatoriya hámde Departamenttiń Qaraqalpaqstan Respublikası basqarması xızmetkerleri ulıwmaxalıqlıq shembilik jumıslarında belsene qatnaspaqta.