Ózbekstan bilimlenlendiriw hám ilim xızmetkerleri kásiplik awqamı Taqıyatas rayonı bólimshesi keńesiniń II-konferenciyası bolıp ótti. Konferenciyada ulıwma bilim beriw mekteplerinen saylaǵanı 38 delegat, jumıs beriwshiler hám ǴXQ wákilleri qatnastı. Konferenciyada Ózbekstan kásiplik awqamları Federaciyasınan Qaraqalpaqstan Respublikasına biriktirilgen wákil Sultonov Baxodir Fozilovich, Ózbekstan kásiplik awqamları Federaciyasınıń  Qaraqalpaqstan Keńesi shólkemlestiriw jumıslar bólimi meńgeriwshisi Ilmuradova Gulnara Reypnazarovna, Ózbekstan bilimlenlendiriw hám ilim xızmetkerleri kásiplik awqamı Respublika Keńesiniń Qaraqalpaqstan Respublikası boyınsha juwapker shólkemlestiriwshisi Abduraxmanov Rustam Abduraximovich, rayonlıq mektepke shekem hám mektep bilimlendiriw bóliminiń baslıǵı Tadjimuratov Sharafatdin Dawletbaevichlar qatnastı.

Konferenciya kún tártibine kiritilgen segiz másele kórip shıǵıldı.

Kún tártibindegi 1-másele boyınsha kásiplik awqamı rayon bólimshesi keńesi baslıǵı S.Bekimbetova Ózbekstan bilimlenlendiriw hám ilim xızmetkerleri kásiplik awqamı Taqıyatas rayonı bólimshesi keńesiniń 2020-jıl iyul ayınan 2025-jıl may ayına shekem bolǵan dáwirdegi iskerligi hám juwmaqları, xızmetkerlerdiń sociallıq-ekonomikalıq huqıq hám máplerin qorǵaw boyınsha aldaǵı wazıypalar haqqında 5 jıllıq esabatın oqıp esittirdi. Konferenciya jumısı Ózbekstan bilimlenlendiriw hám ilim xızmetkerleri kásiplik awqamı Taqıyatas rayonı bólimshesi keńesiniń ótken 5 jıllıq iskerligi delegatlar tárepinen qanaatlandırarlı dep bahaladı.

Konferenciyada Ózbekstan bilimlenlendiriw hám ilim xızmetkerleri kásiplik awqamı Taqıyatas rayonı bólimshesi keńesi baslıǵı, Keńes quramın saylaw hám tekseriw komissiyasın saylaw máseleleri kórip shıǵıldı. Kásiplik awqamı rayon bólimshesi baslıǵı lawazımına saylawlar alternativlıq tiykarında hám jabıq dawıs beriw jolı menen ótkerildi. Saylaw nátiyjelerine kóre 86,8 procent dawıs penen Bekimbetova Sayyora Seytimovna Ózbekstan bilimlenlendiriw hám ilim xızmetkerleri kásiplik awqamı Taqıyatas rayon bólimshesi keńesi baslıǵı lawazımına saylandı

.