14-yanvar “Watan qorǵawshıları kúni” bayramı múnásibeti menen ótkerilgen ilajda Qaraqalpaqstan Respublikasındaǵı bilimlendiriw mákemelerinde islep atırǵan bir topar veteran baynalminal jawıngerler esaplanǵan xızmetkerler qatnastı.

Ózbekstan kásiplik awqamları Federaciyasi Qaraqalpaqstan Keńesi baslıǵı orınbasarı M.Daniyarov, Ózbekstan bilimlendiriw hám ilim xızmetkerleri kásiplik awqamı Respublikalıq keńesi qánigesi I.Xodjaevlar qatnasıp, bársheni bayram menen qutlıqladı. Olar óz sózlerinde Watan qorǵawshıları kúni tek ǵana áskeriy xizmetkerler, bálki óz minnetin atqarǵan watanlaslarımızdıń, sonıń menen birge áyne waqıtta armiya saplarında óz minnetin ótep qaytqan watanlaslarımız hám erteń xızmetke baratuǵın mıń-mıńlaǵan nawqıran jigitlerdiń bayramı ekenligin aytıp ótdi.

Ushırasıw sońında bilimlendiriw tarawında islep atırǵan baynalminal jawıngerler esaplanǵan bir topar veteranlardı Respublika keńesiniń qımbat bahalı sıylıqları menen sıylıqladı.