Ámiwdárya áwelden diyxanshılıq hám tamarqadan ónimli paydalanıp, miyneti esesine kóplegen dárámatlardı qolǵa kiritiw esesine ham shańaraǵı, hámde jámiyet ekonomikasınıń kóteriliwine múnásib úlesin qosıp kelip atırǵan rayonlar qatarına kiredi. Ámiwdárya rayonı hákimiyatı májlisler zalında rayon kárxana, shólkem baslıqları, agroklasterler baslıqları, iri fermer xojalıqları baslıqları hám Qaraqalpaqstan Agrosanaat kompleksi xızmetkerleri kásiplik awqamı tarawındaǵı qala hám rayon keńes baslıqları, baslanǵısh kásiplik awqam komiteti baslıqları ushın oqıw-seminar bolıp ótti.

Onda, Ámiwdárya rayonı hákimi Sabir Xojametov sózge shıǵıp hám awıl xojalıǵı tarawında alıp barılıp atırǵan jumıslar hám gezektegi rejeler haqqında sóz júritti. Sonnan soń Ózbekstan Agrosanaat kompleksi xızmetkerleri kásiplik awqamı Respublika keńesi baslıǵınıń birinshi orınbasarı Twxta Bozorov Miynetkeshlerdi sociallıq-ekonomikalıq qollap-quwatlaw, tarawǵa aǵza iri kárxana, shólkemler hám agroklasterler menen baylanıstı jánede rawajlandırıw barısı tuwrısında aytıldı..Sonday-aq,  Ózbekstan kásiplik awqamları Federaciyasınıń Qaraqalpaqstan Keńesi baslıǵı orınbasarı Muratbay Daniyarov, Ózbekstan Agrosanaat kompleksi xızmetkerleri kásiplik awqamı Respublika Keńesiniń Qaraqalpaqstan Respublikası boyınsha juwaplı shólkemlestiriwshisi Erǵali Seytnazarov hámde keńestiń miynetti qorǵaw bólimi jetekshi qániygesi Sultamurat Orazimbetovlar jámáátlik shártnamalardıń ornı, miynetti qorǵaw tuwrısında shıǵıp sóylediler.

Miynetkeshlerdi sociallıq-ekonomikalıq qollap-quwatlaw,  kárxana, shólkem, fermer xojalıqları, agroklasterlerde miynetti qorǵaw hám qáwipsizlik jumısların shólkemlestiriw boyınsha shólkemlestirilgen oqıw-seminar juwmaǵında soraw-juwaplar bolıp ótti hám qatnasıwshılar tárepinen kiritilgen usınıslarǵa juwapkerlerden zárúr usınıslar berilip ótildi.