Berdaq atındaǵı Qaraqalpaq mámleketlik universitetiniń kásiplik awqamı komiteti tárepinen paytaxtımızdaǵı payızlı orınlarınıń birinde 11-noyabr «Kásiplik awqamları kúni» bayramı múnásibeti menen ilaj shólkemlestirildi.

Onda Ózbekstan Respublikası Oliy Majlisi Senat aǵzası, Ózbekstan kásiplik awqamı Federaciyasınıń Qaraqalpaqstan keńesi baslıǵı U.Jalmenov, sonday-aq, universitette professor-oqıtıwshılar, cex baslıqları hám kásiplik awqamı belsendileri qatnastı.

Ilajdı Qaraqalpaq mámleketlik universiteti rektorı A.Reymov ashıp berdi hám jıynalǵanlardı 11-noyabr – «Ózbekstan kásiplik awqamları kúni» ulıwma xalıq aralıq bayram menen qızǵın qutlıqladı. Bunnan soń, Ózbekstan kásiplik awqamı Federaciyasınıń Qaraqalpaqstan keńesi baslıǵı U.Jalmenov, sózge shıǵıp, bársheni bayram menen qutlıqladı. Ilaj kórkem óner fakulteti jámááti tárepinen tayarlanǵan koncert baǵdarlaması menen dawam etti.