Usı jıldıń 27-may kúni Taqıyatas rayonındaǵı “Aydın jol” dem alıw orayında Balalardı dem aldırıw hám sawalandırıw boyınsha Respublikalıq komissiya aǵzaları, kásiplik awqamları belsendeleri, tiyisli ministrlikler, shólkemler hámde mákemelerdiń basshıları, balalar dem alıw orayları baslıqları, tárbiyashılar, jetekshileri qatnasında “2023-jıldıń jaz máwsimin shólkemlestiriw hámde onı ótkeriw boyınsha aymaqlıq seminar”ı bolıp ótti.

Seminarda Ózbekstan Respublikası Prezidentiniń 2022-jıl 18-noyabrdegi “Balalardıń dem alıwın sistemalı shólkemlestiriw hám sawalandırıw jumısların jánede jedellestiriwge baylanıslı qosımsha is-ilajlar haqqında”ǵı PQ-427-sanlı qarar tiykarında Balalardıń dem alıwı hám sawalandırıwın shólkemlestiriw departamenti hámde onın aymaqlıq basqarmaları shólkemlestirilgeni, sonday-aq, usı qarardıń orınlanıwın támiyinlew maqsetinde Ózbekstan Respublikası Ministrler Kabinetiniń  2023-jıl 27-fevral kúngi 84-sanlı qararı hámde Balalardıń dem alıwı hám sawalandırıwın shólkemlestiriw departamenttiń 2023 jıl 7-marttaǵı 1-10 “s”-sanlı qararı hám Is-ilájler rejesi qabıl etilgenligi hámde ámelge asırılǵan jumısları haqqında aytıp ótildi.

Atap aytqanda, Prezident qararına muwapıq, Qaraqalpaqstan Respublikasındaǵı “Aq keme”, “Aral balaları”, “Aq kepter” (eski Lashın), “Aydın jol”, “Turan” hám “Jetkinshek” orayları Departamentke biyǵárez ótkerildi.

Sonıń menen birge Qaraqalpaqstan Respublikası boyınsha mektep oqıwshılarınan 7 jastan 14 jasqa shekemgi jámi balalar sanı 281 mıń 402 balanı quraydı, sonıń ishinen 23660 bala respublikamız aymaǵındaǵı dem alıs oraylarında, yaǵnıy jámi balalar sanınıń 9 payızı bıyılǵı jılı sawalandırıladı.

Respublikamız aymaǵında 2023-jıl 11 stacionar túrdegi balalar dem alıw oraylarında jámi 6910 balanı sawalandırıw rejelestirilip, sonnan: kásiplik awqamları qárejetler esabınan 6 orayda 5000 balanı hámde jergilikli hákimlikler, xojalıq organları hám qáwenderler esabınan 5 oqıw mákemelerde janında shólkemlestireletuǵın oraylarında 1910 balanı sawalandırıw rejelestirilgen.

Balalar dem alıw oraylarında alıs hám shetki aymaqlarda jasawshı “Temir dápter”, “Hayallar dápteri”, “Jaslar dápterleri”ne kiritlgen hámde máhállelerde baǵıwshısın joǵaltqan hám kem támiyinlengen shańaraqlardıń 3000 perzentlerin qamrap alıw rejelestirilgen.

15 Shańaraq balalar úylerinde tárbiyalanıp atırǵan 7 jastan 14 jasqa shekem bolǵan 64 balanı Moynaq rayonındaǵı “Aq keme” balalar dem alıw orayında dem aldırıw hám sawalandırıw boyınsha anıq is-ilájler belgilenip alındı.

Stacionar túrdegi oraylarǵa hámde Mádeniyat hám sport sawalandırıw orayları usı jıldıń 2-iyun kúni 1-gezekke oqıwshılar qabıllanadı.

Seminar dawamında balalardıń jazǵı dem alısın shólkemlestiriw hám ótkeriw boyınsha alda turǵan wazıypalar haqqında tiyisli ministrlikler, shólkemler hám vedomstvolardıń wákilleri shıǵıp sóyledi hámde soraw-juwap bolıwı názerde tutılmaqta.