Nókis xalıq aralıq aeroportında milletler aralıq tatıwlıq, keńpeyillikti engiziw maqsetinde rus shayırı hám jazıwshısı A.S.Pushkin dóretiwshiligine baǵıshlanǵan ilaj ótkerildi. Ilajda respublika «Doslıq úyi»nen rus milliy-mádeniy orayı belsendileri, Nókis qalasındaǵı Temuriyler mektebi oqıwshıları miymanda boldı

Ilajdı aeroport bsshıları hám kásiplik awqam atınan R.X.Allaniyazov ashıp berdi hám alıp bardı. Sońınan mádeniy oray wákilleri Pushkin dóretiwshiliginen ózleriniń túrli sahna kórinislerin inám etip, onıń qosıqlarınan oqıp berdi.

Ilaj sońında eki tárep wákilleri bir-birine óz minnetdarshılıǵın bildirdi hám ushırasıw keshesi koncert baǵdarlaması menen dawam etti.