2022-jılda Ámiwdárya rayonında kooperaciya usılında isbilermenlik jumısların jolǵa qoyıw hám en jaydırıw, olarǵa hayal-qızlardı keńnen kamtıp alıw arqalı olardıń bántligin támiyinlew boyınsha is ilajlar qabıl etildi.

Qabıl etilgen is-ilajlar tiykarında isbilermen hayal Tamara Yusupova basshılıq etip atırǵan “Raximboyeva Salomat” islep shıǵarıw kooperativi tárepinen rayondaǵı 50 hayal-qız, “Qıtay” MPJda 17 hayal-qız, “Bes awıl” MPJda 8 hayal-qız, “Tas-qala” MPJ 12 hayal-qız hám “Nawayı” MPJ larda 13 hayal-qız jumıs penen bántligi támiyinlendi. 77 mln. 500 mıń swmǵa 18 dana tigiw mashinası satıp alınıp, isbilermen tárepinende 50 mln. swm qarjı ajıratılǵan.

Joqarıdaǵı jumıslardı shѳlkemlestiriw ushın Ámiwdárya rayonlıq Bántlikke kѳmeklesiw mámleketlik fondı tárepinen 132 mln. 300 mıń swm subsidiya ajıratılǵan.

Sonıńday kooperaciyanı keńeyttiriw hámde basqa uzaq awıllardaǵı hayal-qızlar bántligin támiyinlew hám tigiwshilikti rawajlandırıw maqsetinde “Raximboyeva Salomat” islep shıǵarıw kooperativi Mikrokreditbank AKB Manǵıt filialı tárepinen 250 mln.swm jeńilletilgen kredit ajıratıw rejelestirilgen.