Usı jıl 18-mart kúni Ózbekstan kásiplik awkamları Federaciyasında «Jańa Ózbekstanǵa qol-qanat bolamız!» atamasında ótkerilgen dóretiwshilik jumısları tańlawınıń Respublikalıq basqıshı jeńimpazların saltanatlı sıylıqlaw máresimi ótkerildi.

«Jańa Ózbekstanǵa qol-qanat bolamız!» dóretiwshilik jumısları tańlawı usı jıldıń 14-18-mart kúnleri Tashkent qalasında ótkerilli. Bul tańlawdı Ózbekstan kásiplik awqamları Federaciyası, Ózbekstan Respublikası Mámleketlik qáwipsizlik xızmeti, Qorǵaw, Ishki isler, Ayrıqsha jaǵdaylar ministrlikleri, Ózbekstan Respublikası Milliy gvardiyası shólkemlestirdi.

«Jańa Ózbekstanǵa qol-qanat bolamız!» dóretiwshilik jumısları tańlawınıń respublikalıq basqıshında, Tańlaw baǵdarlamasına tiykarı, tańlawdıń respublikalıq basqıshında huqıqın qolǵa kirgizgen Temurbekler mekbtebi hám «Jas shegarashı» áskeriy-akademiyalıq liceyleriniń 33 oqıwshısı qatnastı.

Bahalaw nátiyjelerine kóre, tańlawdıń Respublikalıq basqıshında qatnasqan 1-2 kurs oqıwshılar arasınan 1-, 2-, hám 3-orın jeńimpazları hámde «Reformalar bilimdanı», «Mártlikke shaqırıw», «Siyasiy sawatlılıǵı ushın», «Tınıshlıq súyiwshi ideya ushın», «Eń sawatlı shıǵarma», «Rawajlanıw strategiyasınıń bilimdanı», «Belsene siyasiy qarasları ushın», «Pidákerlikke shaqırıw», «Ayrıqsha jaqınlaw» nominaciyaları boyınsha jeńimpazlar anıqlandı.

Sıylıqlaw ilajında Ózbekstan Respublikası Oliy Majlis deputatları hám Senati aǵzaları, Respublika Ruwxıy-aǵartıwshılıq orayı basshıları, shayırlar hám ilimpazlar, sonday-aq, aymaqlıq studiyalardan onlayn baylanıs sisteması arqalı mámleketimizdegi Temurbeklar mektepleri hám “Jas shegarashı” áskeriy-akademiyalıq liceyleri direktorları, olardıń orınbasarları hámde tanlaw qatnasıwshılarınıń ustazları hámde ata-anaları qatnastı.

Ózbekstan kásiplik awqamları Federaciyasınıń Qaraqalpaqstan Keńesi studiyasında Ózbekstan kásiplik awqamları Federaciyası baslıǵı orınbasarı, Qaraqalpaqstan Keńesi baslıǵı, senator U.A.Jalmenov, Ishki isler ministrligi Nókis qalalıq “Temurbekler mektebi” áskeriy-akademiyalıq liceyi direktorı, kásiplik awqamları belsendileri, oqıwshılardıń ustazları hámde ata-anaları qatnastı.

Sıylıqlaw ilajında tańlawdıń barlıq qatnasıwshılarına Prezident sawǵası sıpatında Noutbuklar tapsırıldı.

Sonday-aq, Ishki isler ministrligi Nókis qalalıq “Temurbeklar mektebi” áskeriy-akademiyalıq liceyi 1 kurs oqıwshısı Adxam Kadirovqa 3-dárejeli Diplom hám Ózbekstan kásiplik awqamları Federaciyası tárepinen 10 million sum pul menen sıylıqlandı.

Sonıń menen birge, 1-kurs oqıwshıları arasında Ishki isler ministrligi Nókis qalalıq “Temurbeklar mektebi” áskeriy-akademiyalıq liceyi oqıwshısı Sarafroz Rashidov «Reformalar bilimdanı» nominaciyası, 2-kurs oqıwshıları arasınan bolsa usı licey oqıwshıları Hayotbek Nishonov «Eń sawatlı shıǵarma» nominaciyası hám Bobur Artiqboev «Pidákerlikke shaqırıw» nominaciyasında jeńimpaz dep tabıldı.

Nominaciya jeńimpazları diplom hám zamanagóy smartfon telefonları menen sıylıqlandı.

Tańlaw jeńimpazlarınıń ustazları da ruwxıy-materiallıq jaqtan hoshametlendi.