9 may — Eslew hám qádirlew kúni múnásabeti menen Nókis qalasındaǵı 9-sanlı ulıwma bilim beriw mektebinde avgan urısı qatnasıwshıları hám de mektep oqıwshıları arasında ruwxıy-aǵartıw  ushırasıwı Ózbekstan tálim hám pán xızmetkerleri kásiplik awqamı Nókis qalalıq bólimshesii tárepinen shólkemlestirildi.

Ilajdan gózlengen tiykarǵı maqset — jas áwladtı watansúyiwshilik ruwxında tárbiyalaw, tınıshlıqtıń qádirin ańlaw, sonıń menen birge, jurt paraxatshılıǵı jolında xızmet etken insanlarǵa húrmet hám izzet sezimlerin bekkemlewden ibarat boldı.

Ushırasıw dawamında qatnasıwshılar mektepte shólkemlestirilgen Ekinshi jáhán urısı tarıyxı menen baylanıslı muzey menen tanıstı. Muzeyde urıs jıllarına tiyisli tarıyxıy buyımlar, fotosúwretler hám hújjetler kórsetildi. Bul bolsa oqıwshılarda tarıyxqa bolǵan qızıǵıwshılıqtı jáne de asırıwǵa xızmet etti.

Ilajda avgan urısı qatnasıwshıları óz turmıs jolı, xızmet dáwirindegi eslewler hám de tınıshlıqtıń áhmiyeti haqqında sóylep berdi. Oqıwshılar bolsa miymanlarǵa ózleriniń qosıqları, saxna kórinisleri hám muzıkalıq shıǵıwların usınıs etti.