Balalar biziń keleshegimiz, erteńgi kúnimizdiń iyesi. Olarǵa qansha itibar bersekte, mehir kórsetsekte arzıydı. Olarǵa ǵamxorlıq kórsetiw, mehir beriw xalqımızǵa tán ullı pazıyletlerden esaplanadı.

1-iyun-«Xalıqaralıq balalardı qorǵaw kúni» bayramın jaqsı kútip alıw maqsetinde Ózbekstan bilimlendiriw hám ilim xızmetkerleri Nókis qalalıq bólimshesi tárepinen bir qatar ilájlar belgilep alınǵan edi.. Usı bayram kúni múnásibeti menen usı jıldıń 30-may kúni qalalıq mektepke shekemgi bilimlendiriw mákemelerinde tárbiyalanıp atırǵan 255 tárbiyalanıwshı Qaraqalpaq mámleketlik quwırshaq teatrına alıp barıldı. Bul jerde balalarımız ushın “Sıyqırlı alma” spektakli qoyıp berildi. Bul ótkerilgen iláj balalarımızdıń quwanıshlarına jánede quwanısh qosıp, bir ómir yadında qalatuǵınday bolıp bayramǵa úlken sawǵa boldı.

Sonday-aq, usı kúnniń ózinde bilimlendiriw mákemelerinde islewshi bir qatar kásiplik awqam aǵzalarınıń perzentlerine bayram múnásibeti menen materiallıq járdemler kórsetildi. Bayram ilájları dawam ettirilmekte.