Prezidentimizdiń baslaması menen mámleketimizde ishki turizmdi rawajlandırıwǵa qaratılıp atırǵan oǵada úlken itibardıń nátiyjesinde puqaralar watanımızdıń tariyxıy, mádeniy hám dıqqatqa sazawar orınları menen jaqınnan tanısıw múmkinshiligine iye bolmaqta. Itibarlı tárepi sonda, sońǵı jılları ishki turizmniń jónelisleri kóbeyip, sayaxatqa shıǵıwshı jerleslerimizdiń sanı da artıp barmaqta.

Atap aytqanda, usı kúnge shekem «Ózbekstan boylap sayaxat et!» ishki turizmdi rawajlandırıw dásturi sheńberinde islewshi xızmetkerlerdiń bos waqıtların mazmunlı ótkeriwge maqsetinde kásiplik awqamları tárepinen óz aymaqlarındaǵı dıqqatqa ılayıqlı jerlerge 7799 hám tarıyxıy qalalarǵa 7279, jámi 15078 xızmetkerler hám olardıń shańaraq aǵzalarınıń sayaxatları shólkemlestirildi.

Sonıń menen birge, jaqında ǵana óz jumısın baslaǵan Taxtakópir rayonı Bórshi taw eteginde jaylasqan «Qaratereń» etno-turistlik kompleksine de bir qatar islewshi xızmetkerlerdiń sayaxatı shólkemlestirilip, kóldiń tábiyatınan hám dalanıń hawasınan sonday-aq, komplekste jaratılǵan barlıq sharayatlar menen jaqınnan tanısıp kewilli dem aldı.