11-noyabr “Ózbekstan kásiplik awqamları kúni” bayramına arnap Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi hámde Nókis qalalıq mektepke shekemgi hám mektep bilimlendiriw bólimi tárepinen tarawdaǵı bilimlendiriw mákemelerinde islep atırǵan pedagog xızmetkerler arasında sporttıń shaxmat, stol tennis hám darts túrleri boyınsha usı jıldıń 3-noyabr kúni jarıslar ótkerildi.

Qızǵın tartıs há ózara gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeńiske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında jeńimpazlıqtı qolǵa kirgizgen komanda aǵzalarına Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesiniń estelik sawǵa hám diplomları tapsırıldı.