11-ноябрь “Ўзбекистон касаба уюшмалари куни” байрами муносабати билан Ўзбекистон таълим ва фан ходимлари касаба уюшмаси Нукус шаҳар бўлинмаси кенгаши ва Нукус шаҳар мактабгача ва мактаб таълим бўлими томонидан Нукус шаҳридаги таълим ташкилотларида фаолият олиб бораётган ходимлар ўртасида спортнинг шахмат, стол теннис ва дартс турлари бўйича жори йилнинг 3-ноябрь куни спорт мусобақалари ўтказилди.

Ўтказилган спорт мусобақасига шаҳардаги барча таълим ташкилотларида ишловчи ходимлар иштирок этиб, ўзларининг жисмоний қобилияти ва чаққонлигини кўрсатиб, ўзаро ўзаро беллашдилар. Қизғин баҳс ва муросасиз курашлар остида ўтган мусобақа ходимларнинг спортга бўлган қизиқишини янада ошириб, уларнинг ғалабага бўлган иштиёқини мустаҳкамлади. Ҳамма иштирокчилар мусобақада ғолиб бўлиш учун астойдил ҳаракат қилишди.

Мусобақа якунида барча спорт турлари бўйича ғолибликни қўлга киритган иштирокчиларга Ўзбекистон таълим ва фан ходимлари касаба уюшмаси Нукус шаҳар бўлинмаси кенгашининг эсдалик совғалари ва дипломлари топширилди.