Respublikamızdıń barlıq aymaqlarında xalıqtıń keń qatlamları arasında Ǵárezsizlik bayramına baǵıshlap, “Jańa Ózbekistanda el áziz, insan áziz” degen bas ideyasın ózinde jámlegen mádeniy ilajlar, ashıq sáwbetler, ádebiy kesheler hámde sport jarısları shólkemlestirilip kelinbekte.

Ózbekstan kásiplik awqamları Federaciyasiyasınıń Qaraqalpaqstan Keńesi hámde Ózbekstan kásiplik awqamları Federaciyasiyasınıń Dene-tárbiya hám sport jumısları basqarması menen birgelikte mámleketimiz ǵárezsizliginiń 31 jıllıǵı aldınan kásiplik awqamlarına aǵza kárxana hám shólkemleriniń jumısshı xızmetkerleri arasında Qaraqalpaq mámleketlik universitetinde sporttıń stritbol, valeybol, banminton hám stol tennisi túrleri boyınsha “Salamatlıq spartakiadası” sport jarısları ótkerildi.

Ilajda Ózbekistan kásiplik awqamları Federaciyasınıń Qaraqalpaqstan Keńesi, tarawlıq kásiplik awqamları Qaraqalpaqstan Respublikası Keńesi baslıqları, juwaplı shólkemlestiriwshileri hámde tiyisli shólkemler qatnasıp, jarıs qatnasıwshılarına tabıslar tiledi. Sport jarıslarına tarawlardan saylandı 9 komandadan 135 ten artıq islewshiler qatnastı.

Kún dawamında sport jarısları qızǵın ótip hám tájiriybeli tóreshiler tárepinen birinshi orın Ózbekstan madeniyat, sport hám turizm xızmetkerleri kásiplik awqamı tarawlıq komandası, ekinshi orın Ózbekstan bilimlendiriw hám ilim xızmetkerleri kásiplik awqamı tarawlıq komandası, úshinshi orındı Ózbekstan mámleketlik mákemeler hám jámiyetlik xızmeti xızmetkerleri kásiplik awqamı tarawlıq komandası jeńimpaz dep tabıldı.

Ózbekistan kásiplik awqamları Federaciyasınıń Qaraqalpaqstan Keńesi tárepinen tarawlar arasında ulıwma kamandalıq esapta 1-,2- hám 3-orınlardı iyelegenler hámde qalǵan qatnasıwshılar ushın diplomlar hám sawǵalar berildi sonday-aq, tarawlar arasında eń joqarı ball toplap 1-orındı iyelegen kamanda Samarqand walayatında bolıp ótetuǵın Ózbekstan Respublikası basqıshına jollama aldı.