«11-noyabr Ózbekstan kásiplik awqamları kúni» múnásebeti menen Jańa Ózbekstan – Jańa kásiplik awqamları” uranı astanda Ózbekistan transport jol hám kapital qurılıs, qurılıs industriyası xızmetkerleri Qarakalpaqstan Respublikası bólimshesi dizimindegi baslanǵısh kásiplik awqamı shólkemi baslıqları menen ushrasıw ótkerildi.

Ilajǵa Ózbekstan Transport, jol hám kapital qurılıs, qurılıs industriyası xızmetkerleri kásiplik awqamı Respublika Kenesiniń bas yuristi L. Nishanova hám Ózbekstan transport, jol hám kapital qurılıs, qurılıs industriyası xızmetkerleri kásiplik awqamı Qaraqalpaqstan Respublikası Keńesi bólimshesi baslıǵı G.Palwaniyazova qatnasıp bársheni bayram menen qızǵın qutlıqladı.

Ózbekstan Respublikasınıń 2020-jıl 23-noyabrdegi “Ózbekstan kásiplik awqamları kúnin belgilew haqqında”ǵi 648-sanlı Nızamına muwapıq, “11-noyabr Ózbekstan kásiplik awqamlari” kúni retinde rásmiy belgileniwi haqqında sóylep, bayram menen barlıq xızmetkerlerdi qızǵın qutlıqladı. Sonıń menen birge, házirgi kúnde el basshımız tárepinen mámleketimizde jaratıp berilip atırǵan sharayatlarǵa toqtalıp ótti. Ilaj dawamında kásiplik awqamları iskerligi hám de óndiriske tiyisli ámelge asırılıp atırǵan reformalar boyınsha da sóz juritildi.

Sonday aq taraw dizimindegi kárxana hám shólkemlerde jemisli miynet etip atırǵan bir qatar kásiplik awqamı belsendileri bayram múnásebeti menen húrmet jarlıǵı hám sawǵalar menen sıylıqlandı.