11-noyabr – “Ózbekstan kásiplik awqamları kúni” hár jılı keńnen belgilenip kelinbekte. Bayram ilajları barlıq buwındaǵı kásiplik awqamları shólkemleriniń juwapkershiliginde kárxana, shólkem hám mákemeler kóleminde ótkeriliwi jolǵa qoyılǵan.

Bayram múnásibeti menen miynet jámáátlerinde xızmetkerler menen ushırasıwlar hám ashıq sóylesiwler ótkerilip, bul ilajlarda kásiplik awqamlarına aǵzalıq abzallıqların úgit-násiyatlaw, Jańa Ózbekstannıń Jańa kásiplik awqamları tárepinen alıp barılıp atırǵan keń kólemli reformalardı xalıqqa jetkeriw jumısları alıp barılmaqta.

Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi quramındaǵı baslanǵısh kásiplik awqamı shólkemleri tárepinen miynet jámáátlerinde bayram ilájların kóterińki ruwhta ótkeriw ushın hám qıylı mazmundaǵı ilájlar baǵdarlaması islep shıǵılıp, usı tiykarında belgilengen tártipte Is beriwshiler menen birgelikte ilájlar ótkerilmekte. Bilimlendiriw mákemelerinde “Jańa Ózbekstan -Jańa kásiplik awqamları” uranı jazılǵan banner hám posterler qıstırılgan.

Usınday ilájlardıń biri, usı jıldıń 4-noyabr kúni biri Nókis qalalıq 4-sanlı ulıwma orta bilim beriw mektebi baslanǵısh kásiplik awqamı komiteti baslaması mektep muǵallimleri ortasında “Zakovat” intellektual oyını ótkizildi. Ótkizilgen intellektual oyınǵa mekteptegi páń metodikalıq birlespeleri aǵzalarınan dúzilgen komandalar qatnastı. Oyın shártlerine kóre, qatnasıwshı toparlarǵa logikalıq sorawlar, kásiplik awqamları tarawına tiyisli sorawlar berilip, oyın juwmaǵında eń oyshıl, eń shaqqan degen toparlar anıqlandı.

Jeńimpaz bolǵan oyın qatnasıwshılarına Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi tárepinen tayarlanǵan sawǵalar berildi.

Sonday-aq, usı kúnniń ózinde aldın ala belgilep alınǵan rejege tiykar Nókis qalalıq 6-sanlı ulıwma orta bilim beriw mektebiniń májilisler zalında miynet jámááti ushın “Jańa Ózbekstan -Jańa kásiplik awqamları” atamasında ruwxıylıq saatı ótkerildi. Iláj barısında kásiplik awqamlarınıń xızmetkerlerdiń turmısında tutqan ornı, alıp barıp atırǵan jumısları, erisken jetiskenlikleri haqqında túsinikler berilip, óz gezeginde qatnasıwshılar ózlerin qızıqtırǵan sorawların berip, bahalı juwaplar alıwǵa eristi.

Bunday ilájlar belgilengen tártipte, reje tiykarında basqada bilimlendiriw makemelerinde dawam ettiriledi.