Өзбекстан кәсиплик аўқамлары Федерациясының Қарақалпақстан Кеңеси мәжилислер залында Ден-саўлықты сақлаў хызметкерлери кәсиплик аўқамы Қарақалпақстан Кеңеси қараўындағы басланғыш кәсиплик аўқамлары шөлкемлеринде есабат-сайлаўларды өткериў бойынша семинар өткерилди.

Семинарда Өзбекстан кәсиплик аўқамлары Федерациясының Қарақалпақстан Кеңеси шөлкемлестириў жумыслары бөлими меңгериўшиси Г.Илмурадова тәрепинен Өзбекстан кәсиплик аўқамлары Федерациясының Бас Кеңес мәжилиси қарары менен тастыйықланған «Өзбекстан кәсиплик аўқамлары Федерациясы қурамындағы кәсиплик аўқам шөлкемлеринде есабат-сайлаўларды өткериў ҳаққында»ғы Реже менен белгилеп берилген тәртип тийкарында есабат-сайлаў жыйналыслары ҳәм конференцияларын талап дәрежесинде өткериўдиң әҳмийети ҳаққында, сондай-ақ, Федерация Уставы, тараў Режелерине қатаң әмел еткен ҳалда өткерилиўин тәмийинлеў, есабат-сайлаў жыйналысларын өткериў менен байланыслы ҳүжжетлерди орнатылған тәртипте дурыс рәсмийлестириў бойынша түсиниклер берип өтилди.

Сондай-ақ, есабат-сайлаў конференцияларына таярлық көриў, алып барыў тәртиби, басланғыш кәсиплик аўқам комитети баслығы ҳәм қурамын сайлаў, тексериў комиссиясы қурамы ҳәм баслығын сайлаў, бюллетенлерди толтырыў, исши органлардың искерлиги, жоқары шөлкем Конференциясына делегатлар ҳәм ўәкиллерди сайлаў тәртиплери әмелий тәризде көрсетип берилди.