Өзбекстан билимленлендириў ҳəм илим хызметкерлери кəсиплик аўқамы Тақыятас районы бөлимшеси кеңесиниң II-конференциясы болып өтти. Конференцияда улыўма билим бериў мектеплеринен сайлағаны 38 делегат, жумыс бериўшилер ҳəм ҒХҚ ўәкиллери қатнасты. Конференцияда Өзбекстан кəсиплик аўқамлары Федерациясынан Қарақалпақстан Республикасына бириктирилген ўәкил Султонов Баходир Фозилович, Өзбекстан кəсиплик аўқамлары Федерациясының  Қарақалпақстан Кеңеси шөлкемлестириў жумыслар бөлими меңгериўшиси Илмурадова Гулнара Рейпназаровна, Өзбекстан билимленлендириў ҳəм илим хызметкерлери кəсиплик аўқамы Республика Кеңесиниң Қарақалпақстан Республикасы бойынша жуўапкер шөлкемлестириўшиси Абдурахманов Рустам Абдурахимович, районлық мектепке шекем ҳəм мектеп билимлендириў бөлиминиң баслығы Таджимуратов Шарафатдин Даўлетбаевичлар қатнасты.

Конференция күн тәртибине киритилген сегиз мəселе көрип шығылды.

Күн тəртибиндеги 1-мəселе бойынша кəсиплик аўқамы район бөлимшеси кеңеси баслығы С.Бекимбетова Өзбекстан билимленлендириў ҳəм илим хызметкерлери кəсиплик аўқамы Тақыятас районы бөлимшеси кеңесиниң 2020-жыл июл айынан 2025-жыл май айына шекем болған дəўирдеги искерлиги ҳәм жуўмақлары, хызметкерлердиң социаллық-економикалық ҳуқық ҳəм мəплерин қорғаў бойынша алдағы ўазыйпалар ҳаққында 5 жыллық есабатын оқып еситтирди. Конференция жумысы Өзбекстан билимленлендириў ҳəм илим хызметкерлери кəсиплик аўқамы Тақыятас районы бөлимшеси кеңесиниң өткен 5 жыллық искерлиги делегатлар тәрепинен қанаатландырарлы деп баҳалады.

Конференцияда Өзбекстан билимленлендириў ҳəм илим хызметкерлери кəсиплик аўқамы Тақыятас районы бөлимшеси кеңеси баслығы, Кеңес қурамын сайлаў ҳəм тексериў комиссиясын сайлаў мəселелери көрип шығылды. Кəсиплик аўқамы район бөлимшеси баслығы лаўазымына сайлаўлар алтернативлық тийкарында ҳəм жабық даўыс бериў жолы менен өткерилди. Сайлаў нəтийжелерине көре 86,8 процент даўыс пенен Бекимбетова Сайёра Сейтимовна Өзбекстан билимленлендириў ҳəм илим хызметкерлери кəсиплик аўқамы Тақыятас район бөлимшеси кеңеси баслығы лаўазымына сайланды.