23-апрель күни Өзбекстан кәсиплик аўқамлары Федерациясының Қарақалпақстан Кеңеси тәрепинен шөлкемлестирилген Өзбекстан кәсиплик аўқамларына 120-жыл толыўын кең жәмәәтшиликке жеткериў мақсетинде Кеңес мәжилислер залында “Өзбекстан кәсиплик аўқамларына 120 жыл: Жаңа Өзбекстан – жаңа кәсиплик аўқамлары” атамасындағы илмий-әмелий конференция болып өтти.

Конференцияны Өзбекстан кәсиплик аўқамлары Федерациясы баслығының орынбасары, Қарақалпақстан Кеңеси баслығы Жалменов Улықбек Абылаевич кирис сөз бенен ашып берди.

“Өзбекстан кәсиплик аўқамларының шөлкемлестирилиў  тарийхы ҳәм Жаңа Өзбекстанның жаңа кәсиплик аўқамлары” ҳаққында Кеңес шөлкемлестириў жумыслары бөлими менгериўшиси Илмурадова Гулнара Рейпназаровна, “Қарақалпақстан кәсиплик аўқамларының шөлкемлестирилиўи тарийхынан” Өзбекстан мәмлекетлик консерваториясы Нөкис филиалы Музыка көркем өнери факультети жаслар маселелери бойынша декан орынбасары, Илмий изертлеўши Матжанбаев Аллаяр Жангабаевич, “Қоңырат аймақлық темиржолшылары кәсиплик аўқам шөлкеми” ҳаққында Қоңырат аймақлық темиржолшылары кәсиплик аўқам комитет баслығы Ембергенов Амир Умирбаевичлер баянат жасады.

Конференция жумысына Қарақалпақстан Республикасы Жоқарғы Кеңеси Комитет баслығы орынбасары Байрыева Алмагуль Курбановна ҳәм бир қатар министрлик, шөлкемлер басшылары, кәсиплик аўқам белсендилери, нуранийлери ҳәм ғалаба қураллары ўәкиллери қатнасты.