Тараў хызметкерлери арасында саламат турмыс қәлпин енгизиў, оларды спортқа кеңнен тартыў арқалы спорттың ғалабалығына ерисиў мақсетинде 2023-жылдың 2-ноябрь күни Нөкис қаласында Қарақалпақстан Республикасы денсаўлықты сақлаў министрлиги менен биргеликте Нөкис Абу Али Ибн Сино атындағы жәмийетлик саламатлық техникумы спорт базасында денсаўлықты сақлаў хызметкерлери арасында спорттың киши футбол түри бойынша 11-ноябрь “Кәсиплик аўқамлары күни” байрамы мүнәсибети менен “Өзбекстан денсаўлыкты сақлаў хызметкерлери кәсиплик аўқамының Қарақалпақстан Республикасы Кеңеси кубоги” спорт жарысы өткерилди.

Спорт жарысына тараў мәкемелеринен 14 команда қурамында 100 ден аслам хызметкерлер қатнасты.

Жарыс жуўмағында:

Қарақалпақстан Республикасы денсаўлықты сақлаў министрлиги командасы I-орынды;

Республикалық қан қуйыў станциясы командасы II-орынды;

Республикалық қәнигелестирилген наркология илимий-әмелий медицина орайы Қарақалпақстан филиалы командасы III-орынды ийелеўге еристи.

Соның менен қатар «Ең жақсы дәрўазаман», «Ең жақсы ҳүжимши», «Ең жасы үлкен қатнасыўшы», «Ең жас қатнасыўшы», «Ең жақсы ойыншы», «Ең жақсы қорғаўшы» номинациялары бойынша жеңимпазларда анықланды.

Жарыс жуўмағында жеңимпазлар, номинация жеңимпазлары, жарысқа белсене қатнасқан командалар “Өзбекстан денсаўлыкты сақлаў хызметкерлери кәсиплик аўқамының Қарақалпақстан Республикасы Кеңеси тәрепинен таярланған  тийисли дәрежедеги кубок, медальлар, дипломлар ҳәм де баҳалы саўғалар менен сыйлықланды.

Жарысты шөлкемлестириўде жақыннан жәрдем берген мәкемелерге “Өзбекстан денсаўлыкты сақлаў хызметкерлери кәсиплик аўқамының Қарақалпақстан Республикасы Кеңеси тәрепинен таярланған баҳалы саўғалар тапсырылды.