Ўзбекистон касаба уюшмалари Федерациясининг Қорақалпоғистон Кенгаши ва Ўзбекистон Миллий Паралимпия қўмитаси Қорақалпоғистон Республикаси бўлими билан ҳамкорликда Нукус шаҳридаги Олимпия ва миллий спорт турлари бўйича Нукус олий спорт маҳорат мактабида спортнинг парапауэрлифтинг тури бўйича Қорақалпоғистон Республикаси чемпионати ўтказилди.
Мазкур чемпионатнинг очилиш маросимида Ўзбекистон касаба уюшмалари Федерациясининг Қорақалпоғистон Кенгаши раиси ўринбосари М.Данияров ва Ўзбекистон Миллий Паралимпия қўмитасининг Қорақалпоғистон Республикаси бўлими ижрочи директори И.Рўзибаевлар сўзга чиқди ва мусобақа қатнашчиларни табриклаб, юртимизда спорт соҳасига қаратилаётган эътибор хусусида таъкидлашди. Мураббийлар ва соҳа мутахассислари иштирокидаги мусобақа хуш кайфиятда ташкил қилинди. Чемпионатда қирқ нафардан зиёд параспортчилар иштирок этди ва ўлар ўртасида қизғин ва муросазиз баҳслар бўлиб ўтди. Барча иштирокчилар мусобақада ғолиб бўлиш учун астойдил харакат қилишди.
Мусобақа якунида ғолиблар Ўзбекистон касаба уюшмалари Федерациясининг Қорақалпоғистон Кенгаши томонидан тайёрланган эсдалик совғалар билан муносиб тақдирландилар.