O‘zbekiston kasaba uyushmalari Federatsiyasining Qoraqalpog’iston Kengashi va O‘zbekiston Milliy Paralimpiya qo‘mitasi Qoraqalpog’iston Respublikasi bo‘limi bilan hamkorlikda Nukus shahridagi Olimpiya va milliy sport turlari bo‘yicha Nukus oliy sport mahorat maktabida sportning parapauerlifting turi bo‘yicha Qoraqalpog’iston Respublikasi chempionati o‘tkazildi.
Mazkur chempionatning ochilish marosimida O‘zbekiston kasaba uyushmalari Federatsiyasining Qoraqalpog’iston Kengashi raisi o‘rinbosari M.Daniyarov va O‘zbekiston Milliy Paralimpiya qo‘mitasining Qoraqalpog’iston Respublikasi bo‘limi ijrochi direktori I.Ro‘zibaevlar so‘zga chiqdi va musobaqa qatnashchilarni tabriklab, yurtimizda sport sohasiga qaratilayotgan e’tibor xususida ta’kidlashdi. Murabbiylar va soha mutaxassislari ishtirokidagi musobaqa xush kayfiyatda tashkil qilindi. Chempionatda qirq nafardan ziyod parasportchilar ishtirok etdi va o‘lar o‘rtasida qizg’in va murosaziz bahslar bo‘lib o‘tdi. Barcha ishtirokchilar musobaqada g’olib bo‘lish uchun astoydil xarakat qilishdi.
Musobaqa yakunida g’oliblar O‘zbekiston kasaba uyushmalari Federatsiyasining Qoraqalpog’iston Kengashi tomonidan tayyorlangan esdalik sovg’alar bilan munosib taqdirlandilar.