«11-noyabr Ózbekstan kásiplik awqamları kúni» bayramı múnásibeti menen Qaraqalpaqstan Respublikası Ayrıqsha jaǵdaylar basqarması baslanǵısh kásiplik awqam shólkemi tárepinen basqarma xızmetkerleri arasında sporttıń mini futbol túri boyınsha Qaraqalpaqstan Respublikası Ayrıqsha jaǵdaylar basqarması baslıǵınıń kóshpeli kubogi jarısı ótkerildi.

Jarısta basqarma rayonlıq bólimlerinen jámi 17 komandada 157 xızmetker qatnastı.

Qatnasıwshılar ózleriniń sportqa bolǵan qızıǵıwshılıǵın, sheberligin kórsetti.

Ótkerilgen jarısta komandalar arasında jaqsı nátiyjelerdi kórsetken Moynaq rayonı Ayrıqsha jaǵdaylar bóliminiń 13-sanlı Qánigelestirilgen órtten qutqarıw bólimi 1-orın, Kegeyli rayonı Ayrıqsha jaǵdaylar bóliminiń 7-sanlı Qánigelestirilgen órtten qutqarıw bólimi 2-orındı Shımbay rayonı Ayrıqsha jaǵdaylar bóliminiń 21-sanlı Qánigelestirilgen órtten qutqarıw bólimi 3-orındı ieledi.

Jarıs jeńimpazlarına shólkemlestiriwshiler tárepinen estelik sawǵaları hám kubok tapsırıldı.