Nókis qalasındaǵı respublikalıq Jas tamashagóyler teatrında Qaraqalpaqstan Respublikası Ayrıqsha jaǵdaylar basqarmasınıń 2022-2024-jıllar ushın dúzilgen jámáátlik shártnamasınıń 2022-jılda orınlanıwı boyınsha esabat konferenciyası bolıp ótti.

Oǵan basqarma basshıları, xızmetkerleri hám ǵalaba xabar qurallarınıń wákilleri qatnastı.

Konferenciyanı Ózbekstan mámleketlik mákemeler hám jámiyetlik xızmet kórsetiw xızmetkerleri kásiplik awqamı Qaraqalpaqstan Keńesi baslıǵı R.Madreymov basqarıp bardı.

Onda Qaraqalpaqstan Respublikası Ayrıqsha jaǵdaylar basqarması baslanǵısh kásiplik awqam komiteti baslıǵı I.Qosıbaevtıń basqarma menen kásiplik awqam komiteti arasında 2022-2024-jıllar ushın dúzilgen jámáátlik shártnamasınıń 2022-jılda orınlanıwı boyınsha esabatı tıńlandı.

Sońınan baslanǵısh kásiplik awqam komitetiniń qadaǵalaw komissiyası aǵzası M.Seytmuratova komissiya tárepinen islengen jumıslar boyınsha bayanat jasap, baslanǵısh kásiplik awqam komitetiniń jumısına qanaatlandırarlı degen baha berdi.

Ilajda sonday-aq, pensiya jasına kelgen bir qatar xızmetkerler hám taraw pidayılarına Qaraqalpaqstan Respublikası Ayrıqsha jaǵdaylar basqarması baslanǵısh kásiplik awqam komitetiniń minnetdarshılıq xatları hám estelik sawǵaları tapsırıldı.

Konferenciya sońında ilaj qatnasıwshılarına mádeniyat tarawı xızmetkerleri tárepinen tayarlanǵan koncert baǵdarlaması qoyıp berildi.