11-ноябрь-“Өзбекстан кәсиплик аўқамлары күни” мүнәсебети менен “Жаңа Өзбекстан бойлап саяхат ет!” ураны астыда ҳәм сондай-ақ Өзбекстан Республикасы Президентиниң 2021 жыл 9 февраль күнги “Өзбекстан Республикасында ишки ҳәм зиярат туризмди жәнеде раўажландырыў ис-илажлары туўрысында”ғы ПҚ-6165-сан Пәрманына муўапық, Өзбекстан Агросанаат комплекси хызметкерлери кәсиплик аўқамы Тахиатас район кеңеси баслығы Ж.Алимов ҳәм Тахиатас Насос станциялары, электр тармақлары ҳәм байланыс басқармасының кәсиплик аўқам комитети баслығы Б.Турдыбаев менен биргеликте Тахиатас Насос станциялары, электр тармақлары ҳәм байланыс басқармасының жәми 60 исши хызметкерлери ҳәм шаңарақ ағзаларын 2024 жыл 2-ноябрь күни Хийўа қаласына саяхат қылыўға алып барылды.