Нөкис қаласында Нөкис Абу Али Ибн Сино атындағы жәмийетлик саламатлық техникумының спорт базасында Өзбекстан Республикасы Ғәрезсизлигиниң отыз еки жыллық байрамы мүнәсибети менен Республикалық емлеў профилактикалык мәкемелери хызметкерлери арасында саламат турмыс қәлпин ен жайдырыў, оларды спортқа кеннен тартыў арқалы спорттың ғалабалығын асырыў мақсетинде спорттың жеңил атлетика, дартс, шашка, волейбол, арқан тартыў түрлери бойынша Спартакиада өткерилди.

Жарыс жуўмағында:

Республикалық қәнийгелестирилген онкология ҳәм радиология илимий әмелий медицина орайы Қарақалпақстан филиалы I-орынды;

1-санлы Республикалық рухый ҳәм неврология диспансери II-орынды;

Республикалық Оба профилактика орайы Қарақалпақстан филиалы III-орынды ийелеўге еристи.

Спартакиада ҳәм номинация жеңимпазларына тийисли дәрежедеги дипломлары, медальлары, кубоклары ҳәм де баҳалы саўғалар тапсырылды.