14-январь “Ўатан қорғаўшылары күни” байрамы мүнәсибети менен өткерилген илажда Қарақалпақстан Республикасындағы билимлендириў мәкемелеринде ислеп атырған бир топар ветеран байналминал жаўынгерлер есапланған хызметкерлер қатнасты.

Өзбекстан кәсиплик аўқамлары Федерацияси Қарақалпақстан Кеңеси баслығы орынбасары М.Данияров, Өзбекстан билимлендириў ҳәм илим хызметкерлери кәсиплик аўқамы Республикалық кеңеси қәнигеси И.Ходжаевлар қатнасып, бәршени байрам менен қутлықлады. Олар өз сөзлеринде Ўатан қорғаўшылары күни тек ғана әскерий хизметкерлер, бәлки өз миннетин атқарған ўатанласларымыздың, соның менен бирге әйне ўақытта армия сапларында өз миннетин өтеп қайтқан ўатанласларымыз ҳәм ертең хызметке баратуғын мың-мыңлаған наўқыран жигитлердиң байрамы екенлигин айтып өтди.

Ушырасыў соңында билимлендириў тараўында ислеп атырған байналминал жаўынгерлер есапланған бир топар ветеранларды Республика кеңесиниң қымбат баҳалы сыйлықлары менен сыйлықлады.