11-ноябрь “Өзбекстан кәсиплик аўқамлары күни” байрамына арнап Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңеси ҳәмде Нөкис қалалық мектепке шекемги ҳәм мектеп билимлендириў бөлими тәрепинен тараўдағы билимлендириў мәкемелеринде ислеп атырған педагог хызметкерлер арасында спорттың шахмат, стол теннис ҳәм дартс түрлери бойынша усы жылдың 3-ноябрь күни жарыслар өткерилди.

Қызғын тартыс ҳә өзара гүреслер астында өткен жарыс хызметкерлердиң спортқа болған қызығыўшылығын жәнеде арттырып, олардың жеңиске болған тилегин беккемледи. Барлық қатнасыўшылар жарыста жеңимпаз болыў ушын жуўапкершилик пенен ҳәрекет етти.

Жарыс жуўмағында жеңимпазлықты қолға киргизген команда ағзаларына Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңесиниң естелик саўға ҳәм дипломлары тапсырылды.