Өзбекстан Республикасы Ғәрезсизлигиниң 32 жыллығы мүнәсибети менен Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңеси тәрепинен Нөкис қаласындағы мектепке шекемги билимлендириў шөлкемлеринде ислеўши хызметкерлер арасында спорттың шахмат, шашка, стол тенниси, дартс түрлери бойынша усы жылдың 24-август күни спорт жарыслары өткизилди.

Өткизилген спорт жарысына қаладағы барлық мектепке шекемги билимлендириў шөлкемлеринде ислеўши хызметкерлер қатнасып, өзлериниң физикалық уқыплылығын ҳәм шаққанлығын сыннан өткизди.

Қызғын тартыс ҳә өзара келисимсиз гүреслер астында өткен жарыс хызметкерлердиң спортқа болған қызығыўшылығын жәнеде арттырып, олардың жениске болған тилегин беккемледи. Барлық қатнасыўшылар жарыста жеңимпаз болыў ушын жуўапкершилик пенен ҳәрекет етти.

Жарыс жуўмағында спорт түрлери бойынша жеңимпазлықты қолға киргизген қатнасыўшыларға Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңесиниң естелик саўға ҳәм дипломлари тапсырылды.