Қорақалпоғистон Республикаси меҳнат ташкилотларида тузилган Жамоа шартномасининг 2021 йил давомидаги ижроси муҳокамасига бағишланган йиғилишлар бўлиб ўтмоқда. Беруний тумани № 4, 58, Элликқалъа тумани № 10, 29, Чимбой тумани № 5, 14, Нукус шаҳри № 4, 6, 9, 13 умумий ўрта таълим мактаблари йиғилишларида мактаб директор ва касаба уюшма қўмитаси раислари ҳисоботлар тингланди ҳамда маъмурият ва касаба уюшмаси томонидан 2021 йилда олиб борилган ишларни қониқарли деб топилди. Йиғилишлар охирида бир гуруҳ касаба уюшмаси фаолларига эсталик совғалар топширилди. Йиғилишларда Ўзбекистон таълим ва фан ходимлари касаба уюшмаси Республика кенгашининг Қорақалпоғистон Республикаси бўйича масъул ташкилотчиси, Ўзбекистон таълим ва фан ходимлари касаба уюшмаси туман, шаҳар бўлинмалари кенгаш раислари, халқ таълими бўлимлари маъсул ходимлари иштирок этдилар.