Bul dúnyada baxıtlı, baxıtlı jasaw – hár bir insannıń ármanı. Bul jolda hár kim kúndi túnge, túndi tańǵa ulap miynet etedi, izlenedi, talpınadı.

Bilimlendiriw tarawında uzaq jıllar jemisli  miynet islep, búgingi kúnde húrmetli dem alısta otırǵan miynet nuranıyları barshılıq.

Usı jıldıń 21-avgust kúni Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi tárepinen húrmetli dem alısta otırǵan bir qatar miynet nuranıylarınıń jaǵdayınan xabar alıp, olardı sociallıq qorǵaw ilájları shólkemlestirildi.

Ótkizilgen ilájǵa Ózbekstan bilimlendiriw hám ilim xızmetkerleri kásiplik awqamı Respublikalıq keńesiniń Sociallıq qorǵaw jumısları boyınsha bas qánigesi Lazokat Turikova qatnasıp bir qatar miynet nuranıylarınıń úyine barıp, jaǵdayınan xabar aldı.

Atap aytqanda: Nókis qalası 6-sanlı ulıwma orta bilim beriw mektebi tariyx páni muǵallimi Mamutova Gulbahar, 31-sanlı ulıwma orta bilim beriw mektebi baslawısh klass muǵallimi Kómekova Gala hám taǵı basqa xızmetkerlerdiń shańaraqlarına barıp, búgingi kúnde mámleketimiz tárepinen bilimlendiriw tarawına ayrıqsha itibar qaratılıp keń kólemli reformalar ámelge asırılıp atırǵanlıǵı, sonday-aq uzaq jıllar jemisli miynet etip búgingi kúnde húrmetli dem alısta otırǵan miynet nuranıyların hár dayım qollap-quwatlaw, olarǵa kásiplik awqamları tárepinen sociallıq járdemler kórsetiw ilájlarınıń alıp barılıwı haqqında qızǵın sáwbetlesiwler alıp barılda. Ótkizilgen iláj dawamında miynet nuranıylarına Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshe keńesi tárepinen tayarlanǵan qımbat bahalı estelik sawǵaları tapsırıldı.

Iláj barısında bir qatar baslanǵısh kásiplik awqamı shólkemleriniń jumısları menen tanısıp, Is beriwshi tárepinen xızmetkerlerdi sociallıq qorǵaw, miynet qáwipsizligin támiyinlew támiyinlew boyınsha islenip atırǵın jumısları, kásiplik awqamı tárepinen xızmetkerlerdiń huqıqların qorǵaw boyınsha jumısları barısı kózden ótkerildi.