Prezidentimiz tárepinen elimizde hár hápteniń piyshembi kúni – Jaslar kúni etip belgilengeninen berli, bililmlendiriw mákemelerinde usı kúni jaslardıń qatnasıwında bir qatar ilajlar ótkerilip kelinbekte.

30-iyun-“Jaslar kúni” bayramı múnásibeti menen Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńe hámde Nókis qalalıq mektepke shekemgi hám mektep bilimlendiriw bólimi birgelikte tarmaqtaǵı mektepke shekemgi bilimlendiriw mákemelerinde islewshi xızmetkerler arasında Voleybol sport jarısı usı jıldıń 2-iyul kúni Nókis qalası 32-sanlı ulıwma orta bilimberiw mektebi bazasında ótkizildi.

Bul jarısta qalalıq qalalıq mektepke shekemgi bilimlendiriw mákemelerinde miynet etip atırǵan xızmetkerler qatnasıp, óz-ara kúsh sınastı.

Qızǵın tartıs hám ózara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeniske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs sońında jeńimpazlıqtı qolǵa kirgizgen komandalar aǵzaları bólimshe tárepinen tayarlanǵan diplom hám estelik sawǵaları menen sıylıqlandı.

Bul ilaj tek ǵana bayram sawǵası emes, al xızmetkerlerdiń salamatlıǵın elede bekkemlew jolındaǵı áhmiyetli qádem boldı.