O’zbekiston kasaba uyushmalari Federatsiyasining Qoraqalpog’iston Kengashi tomonidan O’zbekiston Respublikasi Prezidentining 2019 yil 30 iyuldagi PF-5775-son Farmoni hamda Odam savdosiga va majburiy mehnatga qarshi kurashish Milliy komissiyasining 2022 yil 12 avgustdagi 14-sonli bayoni bilan tasdiqlangan “AQSh Davlat departamentning “Odam savdosiga qarshi kurashish” to’g’risidagi yillik ma’ruzasida keltirilgan tavsiyalarni amaliyotga tatbiq etish bo’yicha chora-tadbirlar rejasi”ning 6-bandida ko’rsatilgan paxta yig’im terim mavsumida monitoring ishlarida ishtirok etadigan nodavlat notijorat tashkilotlar vakillari, fuqarolik jamiyati faollari, ommaviy axborot vositalari va blogerlar uchun majburiy mehnat holatlarini aniqlash va ushbu jarayonda faollarning ishtiroki va harakati to’g’risida 2022 yil 6 sentyabr kuni O’zbekiston kasaba uyushmalari Federatsiyasining Qoraqalpog’iston Kengashi majlislar zalida “Odam savdosi va majburiy mehnatga qarshi kurashish” mavzusida o’quv-seminar tashkil etildi.

O’quv-seminarga O’zbekiston kasaba uyushmalari Federatsiyasining Qoraqalpog’iston Kengashi mas’ul xodimlari, Qoraqalpog’iston Respublikasi Prokuraturasi, Qoraqalpog’iston Respublikasi Ichki ishlar vazirligi, Qoraqalpog’iston Respublikasi Bandlik va mehnat munosabatlari vazirligi, Qoraqalpog’iston faol xotin-qizlar assotsiatsiyasisi, Qoraqalpog’iston nogironlar jamiyatining Nukus shahar bo’linmalaridan vakillar hamda ommaviy axborot vositalari vakillari va blogerlar ishtirok etdi.

O’quv-seminarni O’zbekiston Respublikasi Oliy Majlisi Senati a’zosi, O’zbekiston kasaba uyushmalari Federatsiyasining Qoraqalpog’iston Kengashi raisi U.Jalmenov kirish so’z bilan ochib berdi.

Shundan so’ng, Qoraqalpog’iston Respublikasi Bandlik va mehnat munosabatlari vazirligining Bo’zatov tumani Davlat mehnat xuquq inspektori B.Dauletbaevning “Majburiy mehnatning oldini olishda Xalqaro va milliy qonunchilik me’yorlari, majburiy mehnat to’g’risida murojaatlarni ko’rib chiqish va aybdor shaxslarning javobgarlik masalalari to’g’risida” mavzusida, «Kegeyli-Chimboy Agroklaster» MChJ rahbari J.Berdimuratovning “Paxta yig’im terimi mavsumida terimchilarni jalb qilish, mehnat munosabatlarning yuritilishi (kelishuv, shartnomalar tuzish, terim ish haqisini to’lash) tomonlarning huquq va majburiyatlari, javobgarligi masalalari to’g’risida” mavzusida, O’zbekiston kasaba uyushmalari Federatsiyasining Qoraqalpog’iston Kengashining mehnatni muhofaza qilish bo’yicha etakchi mutaxassisi S.Orazыmbetovning “Paxta yig’im terimi mavsumida terimchilarning sanitariya texnika xavfsizligini ta’minlash, mehnatni muhofaza qilish xuquqlarining buzilishini oldini olish, terimchilar uchun yaratilishi lozim bo’lgan shart-sharoitlari to’g’risida” mavzusidagi ma’ruzalari bilan ishtirok etdi.

O’quv-seminar yakunida ishtirokchilar o’zaro fikr almashib, o’zlarini qiziqtirgan savollarga javoblar oldilar.