1-oktyabr “O’qituvchilar va murabbiylar kuni” bayrami munosabati bilan O’zbekiston ta’lim va fan xodimlari kasaba uyushmasi Nukus shahar bo’linmasi kengashi va Nukus shahar maktabgacha va maktab ta’lim bo’limi tomonidan Nukus shahridagi ta’lim tashkilotlarida faoliyat olib borayotgan xodimlar o’rtasida sportning voleybol turi bo’yicha jori yilning 27 avgust kuni sport musobaqasi o’tkazildi.

O’tkazilgan sport musobaqasiga shahardagi barcha ta’lim tashkilotlarida ishlovchi xodimlar ishtirok etib, o’zlarining jismoniy qobiliyati va chaqqonligini ko’rsatib, o’zaro o’zaro bellashdilar. Qizg’in bahs va murosasiz kurashlar ostida o’tgan musobaqa xodimlarning sportga bo’lgan qiziqishini yanada oshirib, ularning g’alabaga bo’lgan ishtiyoqini mustahkamladi. Hamma ishtirokchilar musobaqada g’olib bo’lish uchun astoydil xarakat qilishdi.

Musobaqa yakunida barcha sport turlari bo’yicha g’oliblikni qo’lga kiritgan ishtirokchilarga O’zbekiston ta’lim va fan xodimlari kasaba uyushmasi Nukus shahar bo’linmasi kengashining esdalik sovg’alari va diplomlari topshirildi.