Өзбекстан мәмлекетлик мәкемелер ҳәм жәмийетлик хызмети хызметкерлери кәсиплик аўқамы Қарақалпақстан Кеңеси қурамындағы басланғыш кәсиплик аўқам шөлкемлери арасынла спорттың шашка, шахмат ҳәм стол теннис түрлери бойынша жарыс өткерилди.

Тақыятас районындағы «Айдын жол» балалар дем алыў ҳәм саўаландырыў орайында өткерилген жарыста 10 нан аслам басланғыш шөлкемлерден ҳәр бир спорт түри бойынша ҳаяллар ҳәм ерлер арасында өткерилип 60 тан артық хызметкерлер қатнасты.

Жарыс жуўмағында ҳәр бир спорт түри бойынша жеңимпазлар анықланды ҳәм Қарақалпақстан Кеңеси тәрепинен диплом ҳәм естелик саўғалар менен сыйлықланды.

Сыйлықлаў мәресиминде Мәмлекетлик мәкемелер ҳәм жәмийетлик хызмет көрсетиў хызметкерлери кәсиплик аўқамы Қарақалпақстан Кеңеси баслығы орынбасары С.Отеўлиев қатнасты.