Өзбекстан Республикасы Президентының 1996 жыл 4-март күнги 1378-санлы Пәрманына тийкар Өзбекстан Республикасы Айрықша жағдайлар министрлиги шөлкемлестирилгенлиги мүнәсебети менен ҳәр жылы 4-март күни кәсиплик байрамы сыпатында кең түрде белгиленип келинбекте.

Усы мүнәсебет пенен Қарақалпақстан Республикасы Айрықша жағдайлар басқармасы тәрепинен 4-март кәсип байрамы көтеринки рухта кутип алыў мақсетинде басқарма қурамындағы арнаўлы ўазыйпалар бойынша аймақлық қутқарыў отряды ҳәм районлардағы кәсиплестирилген өрт қутқарыў бөлимлеринде ислеўши хызметкерлердиң шаңарақлары арасында «Әкем анам мен спортшы шаңарақпиз» сүрени астында «Қуўнақ стартлар» жарысы өткерилди

Жарыста 29 шаңарақ қатнасып әми 107 қатнасыўшы қатнасты.

Жарыс жуўмағы бойынша Тахтакөпир районы айрықша жағдайлар бөлимине қараслы 17-санлы Кәсиплестирилген өртке қутқарыў бөлими ислеўши М.Давлеткаримовлар шаңарағы 1 орын, Хөжели районы районы айрықша жағдайлар бөлимине қараслы 19-санлы өртке қутқарыў бөлиминде ислеўши М.Аблакамаловлар шаңарағы 2 орын ҳәм Мойнақ районы айрықша жағдайлар бөлимине қараслы 13-санлы Кәсиплестирилген өртке қутқарыў бөлими ислеўши Б.Қанназаровлар шаңарағы 3-орынды ийелеп шөлкемлестириўшилер ҳәм Қарақалпақстан Кеңеси тәрепинен қымбат баҳалы естелик саўғалары тапсырылды.