Жорий йил 26-27 февраль кунлари Нукус Олимпия ва Паралимпия спорт турларига тайёрлаш маркази стадионида Ўзбекистон велоспорт Федерацияси Қорақалпоғистон бўлими томонидан спортнинг велоспорт шоссе тури бўйича Қорақалпоғистон чемпионати ўтказилди.

Мусобақани ташкил этишдан максад Қорақалпоғистон ёшларини велоспортнинг Республика сайланди командасига аъзоликка жалб этиш ҳамда қизиқишларини янада орттиришдан иборат.

Чемпионатга Нукус Олимпия ва Паралимпия спорт турларига тайёрлаш марказидан, Республикал якка кураш турлари бўйича иқтисослаштирилган спорт мактаби, Нукус олий спорт маҳирлик мактаби, 2-сонли спорт мактаби, Бўзатов спорт мактаби, Кегейли спорт мактаби ва Хўжайли спорт мактаблари командаларидан жами 110 дан ортиқ велоспортчилар қатнашиб, 2 км оралиқга якка бошқариш, 2 км оралиқга жуфт бошқариш ҳамда 4 км оралиқга бошқариш бўйича ғолиблар аниқланди.

Ғолиблар Ўзбекистон касаба уюшмалари Федерациясининг Қорақалпоғистон Кенгаши ҳамда Қорақалпоғистон Республикаси Ёшлар сиёсати ва спорт вазирлиги томонидан тайёрланган диплом ва совғалар билан тақдирланди.