2023 йил 15 февраль куни Нукус шаҳридаги Республика ўйин турлари ва енгил атлетика бўйича ихтисослаштирилган спорт мактаби ва Нукус олимпия ва параолимпия спорт турларига таёрлаш  маркази спорт базаларида ўтқазилган спорт тадбирида “Қўл тўпи” мусобақасининг Қорақалпоғистон Республикаси босқичига шаҳар ва туманлардаги спорт мактаблари ўқитувчи ходимлари ва оммавий ахборот воситалари вакиллари иштирок этди.

Мусобақа иштирокчиларини Ўзбекистон маданият, спорт ва туризм ходимлари касаба уюшмаси Республика кенгашининг Қорақалпоғистон Республикаси бўйича масъул ташкилотчиси Ж.Аяпов ва Қорақалпоғистон Республикаси Ёшлар сиясати ва спорт вазири в.в.б. А.Алланазаров спорт мусобақаси иштирокчиларини самимий қутлади.

Ўтказилган “Қўл тупи” спорт мусобақасида 25 та командаларда 250 га ёқин спортчилар иштирок этди.

Мусобақа якунида ғолиблар Маданият, спорт ва туризм ходимлари касаба уюшмаси Қорақалпоғистон Республикаси бирлашган қўмитаси томонидан тайёрланган эсдалик совғалар ҳамда I-II-III-даражали дипломлар топширилди.

Шундан, Аёллар ўртасида совринли 1-ўринни Республика ўйин турлари ва енгил атлетика бўйича ихтисослаштирилган спорт мактаби, 2-ўринни Муйноқ тумани спорт мактаби ҳамда 3-ўринни Хўжайли тумани спорт мактаби командалари эгаллади.

Эркаклар ўртасида совринли 1-ўринни Республика ўйин турлари ва енгил атлетика бўйича ихтисослаштирилган спорт мактаби, 2-ўринни Нукус тумани спорт мактаби ва 3-ўринни Тахтакўпир тумани спорт мактаби командалари эгаллади.

Бундан ташқари “Қўл  тупи” спорт мусобақада Аёллар ўртасида “Энг ёши улуғ иштирокчи” номинацияси бўйича Бозатаў тумани спорт мактабидан М.Утеўлиева, “Энг маҳоратли хаваскор спортчи” номинацияси бўйича Элликқалъа тумани спорт мактабидан М.Бабажанова, “Ғалабага бўлган интилиши учун” номинацияси бўйича Нукус шаҳар 1-сонли спорт мактабидан Г.Байлепесова ҳамда “Энг ёш иштирокчи” номинацияси бўйича Қонликўл тумани спорт мактабидан Р.Илиясовалар  ғолиб деб топилди.

Эркаклар ўртасида “Энг ёши улуғ иштирокчи” номинацияси бўйича Чимбой тумани спорт мактабидан М.Бекимбетов, “Энг маҳоратли хаваскор спортчи” номинацияси бўйича Кегейли тумани спорт мактабидан С.Бекполатов, “Ғалабага бўлган интилиши учун” номинацияси бўйича Нукус шаҳар 1-сонли спорт мактабидан Ғ.Шылманов  ҳамда “Энг ёш иштирокчи” номинацияси бўйича Қонликўл тумани спорт мактабидан З.Аллабаевлар   ғолиб деб топилди.

“Қўл тупи” спорт мусобақасининг Қорақалпоғистон Республикаси босқичида совринли 1-ўринни эгаллаган Республика ўйин турлари ва енгил атлетика бўйича ихтисослаштирилган спорт мактабининг аёллар ва эркаклар командалари 2023 йилнинг 24-26 февраль кунлари Тошкент вилоятининг Чирчиқ шаҳридаги Ўзбекистон жисмоний тарбия ва спорт универститенинг спорт базасида ўтқазиладиган Финал босқичига йулланмани қулға киритди.

Спорт тадбири иштирокчиларига Қорақалпоғистон Республикаси Маданият ва туризм вазирлиги томонидан тайёрланган концерт дастури намойиш этилди.