Республикамызда 2023-жыл 26-27-февраль күнлери Нөкис Олимпия хам Паралимпия спорт түрлерине таярлаў орайы стадионында Өзбекстан велоспорт Федерациясы Қарақалпақстан бөлими тәрепинен спорттың велоспорт шоссе түри бойынша Қарақалпақстан чемпионаты өткерилди.

Жарысты өткериўден максет Қарақалпақстан жасларын велоспорттың Республикалық сайланды командасына ағзалыққа қамтыў ҳәмде қызығыўшылығын еле де арттырыўдан ибарат.

Чемпионатқа Нөкис Олимпия ҳәм Паралимпия спорт түрлерине таярлаў орайы, Республикалық жеке гүрес түрлери бойынша қәнигелестирилген спорт мектеби, Нөкис жоқарғы спорт шеберлиги мектеби, 2-санлы спорт мектеби, Бозатау спорт мектеби, Кегейли спорт мектеби ҳәм Хожели спорт мектеплери командаларынан жәми 110 нан аслам велоспортшылар қатнасып жеке басқарыў 2 км аралыққа, 2 км аралыққа жуплық баскарыў, 4 км аралыкка баскарыў бойынша женимпазлар аныкланды.

Жарыс жеңимпазларына Өзбекстан кәсиплик аўқамлары Федерациясының Каракалпакстан Кеңеси ҳәмде Каракалпакстан Республикасы Жаслар сиясаты ҳәм спорт министрлиги тәрепинен таярланған диплом ҳәм саўғалар менен сыйлықланды.