Өзбекстан мәмлекетлик мәкемелери ҳәм жәмиетлик хызмет хызмет хызметкерлери кәсиплик аўқамы Қарақалпақстан Кеңеси ҳәм Қарақалпақстан Республикасы Ишки ислер министрлиги тәрепинен Нөкис қаласы Жаслар орайында Өзбекстан Республикасы Ишки ислер уйымлары хызметкерлери күни ҳәм «Кәсиплик аўқамларына 120 жыл» байрамлары мүнәсибети менен ишки ислер хызметкерлери арасында «Заковат» интеллектуаллық ойыны өткерилди.

Бул илажда қатнасқан ҳаял-қызлар ҳәр бири алты адамнан ибарат 12 топарда өз-ара беллести, ақыл-ойын, билим дәрежесин ҳәм бар шеберлигин көрсетти.

Ойын даўамында командалар берилген сораўларға жеделлик пенен жуўап берди ҳәм тән алынды.

Жеңимпаз командаларға шөлкемлестириўшилер Өзбекстан мәмлекетлик мәкемелери ҳәм жәмиетлик хызмет хызмет хызметкерлери кәсиплик аўқамы Қарақалпақстан Кеңеси ҳәм Қарақалпақстан Республикасы Ишки ислер министрлиги тәрепинен естелик саўғалары тапсырылды.

Илаж жуўмағында 25-октябрь – Ишки ислер уйымлары хызметкерлери күни» ҳәм «Кәсиплик аўқамларының 120 жыллығы» байрамлары мүнәсибети менен кәсиплик аўқам жумысында белсене қатнасып атырған Қарақалпақстан Республикасы Ишки ислер министрлигиниң 10 хызметкерине Өзбекстан мәмлекетлик мәкемелери ҳәм жәмиетлик хызмет хызмет хызметкерлери кәсиплик аўқамы Қарақалпақстан Кеңеси баслығы Д.Қутлымуратова тәрепинен Ҳүрмет жарлығы ҳәм естелик саўғалары тапсырылды.