2025-жыл 22-январь куни Өзбекстан кәсиплик аўқамлары Федерациясының Қарақалпақстан Кеңеси мәжилислер залында Өзбекистан транспорт жол ҳәм капитал қурылыс, қурылыс индустриясы хызметкерлери касиплик аўқамы Қарақалпақстан Республикасы Кеңеси тараўындағы 40 тан аслам басланғыш кәсиплик аўқамлары шөлкемлеринде есабат-сайлаўларды өткериў бойынша семинар өткерилди.

Семинарда Өзбекистан транспорт жол ҳәм капитал қурылыс, қурылыс индустриясы хызметкерлери касиплик аўқамы Республикалык Кеңеси баслыгы орынбасары Б.Султанов катнасты. Өзбекстан кәсиплик аўқамлары Федерациясының Бас Кеңес мәжилиси қарары менен тастыйықланған «Өзбекстан кәсиплик аўқамлары Федерациясы қурамындағы кәсиплик аўқам шөлкемлеринде есабат-сайлаўларды өткериў ҳаққында»ғы Реже менен белгилеп берилген тәртип тийкарында есабат-сайлаў жыйналыслары ҳәм конференцияларын талап дәрежесинде өткериўдиң әҳмийети ҳаққында, сондай-ақ, Федерация Уставы, тараў Режелерине қатаң әмел еткен ҳалда өткерилиўин тәмийинлеў, есабат-сайлаў жыйналысларын өткериў менен байланыслы ҳүжжетлерди орнатылған тәртипте дурыс рәсмийлестириў бойынша түсиниклер берип өтилди.